TOUT DETAY SOU SA KI RIVE BENZEMA A

Karim Benzema se youn nan potansyèl gayan balon dò an ane sa, se yon jwè ki make pasaj li nan ekip Real Madrid la apre plis ke 10 sezon ak yo. Pandan kèk tan, seleksyon nasyonal Lafrans lan te mete Benzema sou sanksyon, sa ki te fè l rate Koup dewòp 2016 lan ak CDM 2018 la kote ke peyi l ta pral ranpòte l. Men, sa k rive Benzema fè tèt tout fanatik Real Madrid yo cho. Y ap mande, ki enpak sa pral gen sou avni jwè a nan Club la ? Èske l ap ka toujoujwe pou ekip Lafrans lan ? Oubyen, èske l ap ranje zafè l pou l antre nan prizon dirèkteman ? Tout moun men nan bouch, tout fanatikgen kè sote. Lè n konnen ki travay Benzemaap fè nan ekip la apre depa CristianoRonaldo, gen dekwa pou kè fanatikyo pa anpè. Ebyen, kisaki rive atakan Real Madrid la ?

Ebyen lajistis nan peyi Lafrans kondane atakan fransè a yon lane prizon ( Avèk sursis ) epi pou l peye yon amann 75 000 €. Se pa yon koze nouvo, bagay sa te fè pale deja, sa gen pliske 5 lane kote ke atakan ekipmadrilèn lan ta enplike nan yon zafè Sextape, sa ki fè l fè 5 an pa janm jwe pou peyi l. Men kounya, bagay la chanje faz. Lajistis fransèz deklare ke Benzema koupab kote ke jwè a ta va choute sou yon lòt koyekipye ki se MathieuValbuena. Anplis amand sa, Benzemaap gen pou l rann Mathieu Valbuenayon dedomajman ki nantarif 80 000 €. Antoukase kanmenm yon ti pay monnen pou jwè yo lè n konnen milyonke y ap touche. Yo fè konnen ke Benzema ta nan konplisite ak kèk moun nan tantativyon chantaj sou zafè Sextapela. Ta sanble ke se vòlè yo te vòlè Sextape la

pou yo Valbuena te ka pase lèd. Sa se kote k ap fè peyi paske nan peyi pa nou, pa gen anyen ki deranje nan sa. Men, èske jwè a ap rantrenan yon selil prizon pou l al reflechi sou zak sa ? N ap raple w, vèdik ki tonbe a pa pale de prizon fèm. Savle di, jwè a p ap gen pou l rantre nan prizon men li sou yon siveyans konplè. Nenpòt aksyon ke Benzema ta fè nan peryòd sa, p ap gen aleje pèn pou li, l ap pran prizon klè. Dayè, prezidan federasyon fransèz lan gentan deklare ke Benzema ap kontinye jwe pou Lafranssan pwoblèm. Benzema ki toujou fè konnen li pa gen anyen pou l wè avèk zak sa yo pa t asiste a pwosè a nan vil Versailles mwa dènye an la. E li pa t prezantou pou l te resevwa vèdik la menmjan ak 4 lòt moun ki te enplikeyo. Men, kisa ki fè bagay la grav jiskaskeprizon rantre ladann ?

Ebyen, nan mwa juin 2015, Valbuena te viktim de yon konplotaj ki ta pouse yo pran yon videyo entim sou telefòn li. Se pou sa yo pale de '’ Sextape '’. Ebyen, moun sa yo ki te pran videyo a te gentan kontakte Valbuena e fè l konnen si l pa vle yo lage videyo a, fò k li antann li avèk yo. Valbuena te gentan met lapolis sou dosye a. Men, lè nèg yo wè ke Bagay la poko ka mache pou yo, yo rantre an kontak avèk on bon zanmi Benzema ki se KarimZenati. Alòs, KarimZenati te fè dilijans pou Benzema pale sa avèk Valbuena. Ebyen, se sa ke Benzema te fè. Atakan madrilèn lan te pwopoze koyekipye l la ke l ka fè l jwenn on moun pou fèmen dosyesa pou li. Okenn videyo p ap pataje. Bagay yo te kòmanse byen men Valbuenate soupsone Benzemanan konplo a. Li depozeyon plent lajistis.Bagay sa, yo pa t byen wè l an Frans alò yo deside ekate tou de jwè yo de seleksyon an.


Ebyen, Valbuenate mande pou yo te regade dosye sa paske li ret konfyan ke Benzema koupab nan bagay sa. Vèdik la tonbe dènyeman la.

Gen 4 lòt moun ke lajistis penalize tou pami yo zammi Benzema a ki pran 15 mwa prizon.

Apre desizyonsa yo, avoka Valbuena yo deklare ke yon jwenn soulajman. Yo fè konnen ke viktim yo an te viktim de prejije spòtif kontrèman ak Benzema k ap jwe alèz nan seleksyon an. Èske se yon Jalouzi? Nou pa ka di w anyen, men sa ke n konnen avoka Benzema yo di ke yo pral fè apèl paske yon jijman san prezans akize a se yon jijman san fondman.