7 balon dò pou Leo Messi


Nan yon seremoni ki dewoule nan vil Paris, jodi lendi 29 novanm lan, se te jou yo devwale balon dò 2021 an. Anpil konkiran te sou lis pou pran edisyon balon dò sa. Pami yo, nou jwenn atakan polonè a k ap evolye nan Bayern Munich ( Robert Lewandowski ), atakan fransè a k ap jwe pou Réal Madrid depi yon deseni ( Karim Benzema ) epi sipèsta ajanten an ki gentan kontabilize 6 balon dò deja ( Leo Messi ).


Dènye jou sa yo, tout entènet la te okipe pa yon sèl kesyon : Èske se Messi oubyen Lewandowski k ap ranpòte l ? Gen kèk fanatik tou ki te evoke Karim Benzema paske selon yo, Karim Benzemafè youn nan pi bèl sezon nan karyè l kote ke l te pote ekip madrilèn lan ak seleksyon fransèz la sou do l. Men, tout pale anpil yo ta pral fini nan jounen 29 novanm sa.

Nan tèt seremoni sa, nou jwenn ansyen glwa foutbòl ivwaryen ( Didier Drogba ) ak Sandy Heribert.Divès pèsonalite te prezan pou asiste seremoni sa : ansyen balon dò 2006 lan ( Fabio Canavaro) ta pral remèt twofe meyè jèn jwè a ak Pedri, jwè ekip FC Barcelone lan. Prim yo ta pral kontinye : Alexia Putellas jwè ekip FC Barcelone feminenta pral pran balon dò pa l, Gianluigi Donnaruma ranpòte twofe Lev Yashin pou meyè gadyen ane sa epi Robert Lewandowski ki pran twofe meyè bitè pou ane 2021 an.

Ebyen, kè ekip anpil fanatik ta pral kontan lè nouvèl la tonbe : sipèsta ajanten an ranpòte yon setyèm balon dò. Dezòmè, se LM7 pou Lionel Andrès Messi Cuccucini.


Luckensly LUMA

 

Viza oswa rezidans obligatwa, epi rele nou pou w vin pran biyè w la

five stars publicité vol punta cana - brésil