4 pèsonalite ki make ane 2021 an

Asasina Jovenel Moïse lakay li nan Pèlerin, ensekirite ki pa sispann vale tèren, sitiyasyon nan Matisan ki lakòz yon bann moun kite lakay yo san konnen kilè yap ka tounen, dominiken kap pran move desizyon kont frè ak sè nou yo ki al chache lavi miyò lakay yo, ameriken ki depòte anpil nan konpatriyòt nou yo ki tap eseye rantre lakay li. Tout fè sa yo eksplike ane 2021 an pat fasil pou nou menm ayisyen.

Sepandan, nan mitan gwo fènwa 2021 an gen kèk moun ki rive fè yon ti limyè jayi epi montre gen espwa toujou. Pami moun sa yo, jodi a nou deside prezante 4 ladan yo.

4- Jean Jean Roosevelt

Jean Jean Roosevelt fèt Jeremi nan dat 30 septanm 1983. Chantè epi gitaris, li ranpòte plizyè pri nan peyi Dayiti tankou lòtbò dlo. Jean Jean Roosevelt angaje l depi plizyè lane sou plan sosyal. E anpil nan tèks li yo montre sa. Lè kowonaviris te fenk parèt nan peyi a, nou te ka wè l ak mikwofòn li kap fè sansiblizasyon nan kèk zòn ki petèt pat menm nan plan Leta pa bò isit pou yo te vizite.

An 2021, angajman sosyal otè Mes Lavironndede a pral pran yon lòt fòm.

Alòske gen yon eslogan « Timoun 2000 » ki parèt pou denigre timoun ki fèt nan ane 2000 yo, chantè a pral pwoklame tèt li « anbasadè timoun 2000 yo » eli menm konpoze yon mizik pou ede timoun 2000 yo pran konsyans de sa yo vo. Chaj anbasadè timoun 2000 sa a mennen anbasadè bòn volonte UNICEF la siyonnen tout peyi a pou li al pale ak jenerasyon 2000 lan.

Gras ak angajman l, li rive jwenn bous nan kèk lekòl pwofesyonèl pou plizyè santèn jèn ki fèt nan ane 2000 yo. San bliye li bay Nestou Manba yon bèl bourad epi li te onore Charles Djenie Wanessa aprè li te fin pote lamayòl nan konkou tèks ak repòtaj sou dwa moun yo.

3- Gessica Geneus

Gessica Geneus se yon aktris, reyalizatris ak ekriven ki fèt Pòtoprens nan dat 23 desanm 1985. Li kòmanse karyè l lè li te gen 17 lane ak Barikad, yon fim ki rakonte istwa yon lanmou difisil ant yon jèn gason ak yon sèvant. Li jwe nan plizyè lòt fim tankou « Cousines » ak « le président a-t-il le sida? ». Li jwe tou nan yon telefilm ki retrase istwa lavi Toussaint Louverture.

Pou ane 2021 an, Gessica Geneus reyalize premye lon-metraj li ki se Freda. Freda ranpòte plizyè pri nan divès peyi etranje tankou Frans, Bèljik ak Kanada.


2- Etzer Emile