15 espòtif ki touche pi byen nan mond lan

Sou planèt espòtif la, nan zafè fè lajan, gen yon nouvo wa ! Se pa ni Messi ni Ronaldo men pito Conor McGregor. Aprè Floyd Mayweather, Conor McGregor se dezyèm espesyalis nan espò konba ki arive pran tèt klasman atlèt ki pi byen touche sou planèt la. Sipèsta MMA ( spò sa ki regwoupe bòks, jido, karate, elatriye.) atenn yon salè 180 milyon $ selon magazin Forbes. McGregor devanse Lionel Messi ($ 130 milyon) ak Cristiano Ronaldo ($ 120 milyon). Nan rès Top 15 lan, gen anpil atlèt Ameriken, ak 4 jwè NBA (James, Curry, Durantak Westbrook) ak 3 jwè NFL (Prescott,Brady ak Mahomes). Pa bò kote fanm yo, yon sèl fè pati de top 15 sa e, se sipèsta japonèz la ki gen orijin ayisyèn, Naomi Osaka (12e) li kite dèyè Serena Williams (28e). Pa gen okenn atlèt fanm ki te byen peye konsa nan istwa a pase Osaka, li menm arive devansekèk sipèsta tankou Rafael Nadal ak Novak Djokovic. An nou al wè ansanm, 15 spòtif sa yo ki nan diferan disiplin epi k ap touche plis kòb nan mond lan.

15. Patrick Mahomes (NFL) 54,5 milyon $. Patrick Lavon MahomesII ke yo konnen sou non PatrickMahomes, fèt 17 septanm 1995 nan Tyler, Texas, se yon jwè foutbòl pwofesyonèl Ameriken. Li jwe kòm quarterback pou Chiefs Kansas City nan LigNasyonal foutbòl la (NFL).


14. Russell Westbrook (NBA) 59,5milyon$. Russell Westbrook, fèt 12 novanm 1988 nan Long Beach, Kalifòni, se yon jwè baskètbòl Amerikenki jwe kòm etan yon menè ( Meneurde jeu ).

Li te drafte nan katriyèm plas an 2008 e li te pase 11 sezon ak Thunder Oklahoma City anvan l rejwenn an 2019, Houston Rockets yo ak James Harden, yon ansyen koyekipye nan Oklahoma City. Epi nan ane 2020 an, li te rejwenn Washington Wizards yo. Li tranfere nan Los Angeles Lakers nan ane2021 an la.

13. Tiger Woods (Golf) 60 milyon $. Edrrick Tont Woods, ke anpil moun konnen sou non Tiger Woods, fèt 30Desanm 1975 nan Californie, se yon jwè gòlf Amerikenan. Li se youn nan pi gran jwè gòlf nan tout listwa jwèt la ak youn nan spòtif ki te pi popilè nan kòmansman 21yèm syèk la. Chanpyon nan 15 pi gwo tounwa jwèt sa , li revolisyone mond lan nan gòlf pa rezilta li. Youn nan pi gwo anbasadè Nike, Woods miltipliye anpil kontra ki rapòte l anpil lajan, sa ki te menm fè de li youn nan spòtif ki pi rich nanane 2000 yo. Menm lè yon eskandal te arive pètibe lavi prive li ak difikilte yo nan maryaj li, an 2009, sa pa anpeche ke Woods kontinye fè siksè epi rete youn nan jwè yo pi byen peye nan mond lan.

12. Naomi Osaka(Tennis) 60 milyon $. Naomi Osaka, fèt 16 oktòb 1997 nan vil Osaka peyi Japon, se yon jwè tenis Japonèz, pwofesyonèl depi an 2